VIT

Trygdartøkni er ein fyritøka við stórari fagligari vitan innan trygdarøkið.

Okkara serkunnleiki er at veita ráðgeving og heildarloysnir innan elektroniska- og mekaniska trygd, herundir sølu, uppsetan og viðlíkahald av vakmyndatólum, alarmskipanum og elektroniskum lásaskipanum.

Okkara starvsfólk hava viðkomandi útbúgvingar og drúgvum royndum innan trygdarøkið.

Vit samstarva við fremstu veitararnar á økinum innan trygd og trygdarútgerð.

Allir okkara alarmar ganga inn til ein statsgóðkendan alarmsentral í Danmark, ið tekur sær av yvirvaking av alarmum og vakmyndum. Hetta fyri at veita bestu trygd og tænastu á økinum til okkara kundar.

Umframt hesar trygdartænastur hevur FO Ráðið, ið er tilhoyrandi/undirliggjandi UVMR, tillutað Trygdartøkni dagligu umsitingina av .fo økisnøvnum. .fo landaøkið, sum eisini nevnist ccTLD ("Country Code Top Level Domain), er tann parturin av økisnøvnum á internetinum, ið ICANN (Internet Corporation for Assigned Names and Numbers) hevur tillutað Føroyum nýtslurætt til.